ISAIA 4 - PATHIAN LEKHABU IRTHIANG C.L. Bible (BSI)

¹ Kha zoro tena chu nupang sariin pasal inkhat chel an ta, “Fâk nêk le silkaihai tum ving kin ta, kin irhming siat loina hrangin, dôngma’n ni lua ro,” la ti an ti.

Jerusalem inding nôkna

² Kha ni khan chu Rengpa ata a dôn thar hong suakhai chu intuai duamin om a ta, Israel rama la omhai ta hrangin satak le tuitakin la ra a ti.

³ Zion-a a thi zoi loi le Jerusalema irhming irziakhai chu, “Mi irthiang,” ti an ti.

⁴ Rengpa irtha’n Zion mihai chungchâng rêl infelin an porchenahai infâi a ta, mei ikâng angin irtha khan Jerusalema thisenhai chu infâi a ti.

⁵ Rengpa’n Zion tâng pumpui chunga le khataka omhai chunga khan sûna meikhu le sûmin irhlîhai a ta, zâna meivâr sia a ta: Pathian roiinpuina’n sip an ti.

⁶ Khahai kha misa lum lai ata a’rhlîtu, phâivua le ropui lai ata inhultu, le doipuitu ni a ti.