HOSEA 3 - PATHIAN LEKHABU IRTHIANG C.L. Bible (BSI)

Hosea le uirenu

¹ Khan, Rengpa khan ki kuang, “Fe nôk tan lân, nupang, mi dang indit lai, uirenu kha lung va thung roh, Israel irchihai khan Pathian dang kuang tiang irheiin grephai irngaiinhlu khomsian, Rengpa’n lung nangni a ithung mai ang hin,” a tia.

² Khanchu, tangka sômhlei ringa, le barli homer khat le homer a chimripin ama kha ki’rchôka:

³ Khan, a kuang, nikho tamtak sûng kha ki ta hrangin ni iom hrang a ni; noti ni izuar hrang ni ma, tûte dôngma ni ini hrang ni mah: khaang dên khan kei khom nangmaa om ki ti, ki tia.

⁴ Israel, irchihai kha nikho tamtak inlaltak le milian le lungphun ser le ochai songkol mani, millimhai mani nei loiin an iom hrang a ni.

⁵ Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.