EZRA 10 - PATHIAN LEKHABU IRTHIANG C.L. Bible (BSI)

Irnei ta loi hranga dân siam

¹ Pathian in tianga irheiin khûksadela chapin Ezra’n a chongchaia, ngaidam ar zong lai takin a kôla khan Israel mi, mi tamtak, nupang pasal le nâipang pâl an hong irbuka; mipuihai kha a sân an chapa.

² Elama irchi laia mi Jehiela nâipa Sekania khan Ezra kuang, “Kin Pathian chunga hin, thil kin tho’nsual tâka, hi rama nam dang nupang dôngma’n kin neia; khannisianlân Israel mihai hrangin hi thua hin sabeina a la iom a ni.

³ Khasikin tho, ka pu le kin Pathian thupêka inthing murdi’n, hi mipuihai anni lai ata suak murdi hi teipuihai hrangin ei Pathian kuanga thuthung ei ti; ama khom hi dân ang taka tho ni ri se.

⁴ Tho hi thu hi nangma chunga irnghat a nia, keini khom nangma tianga om kin nia, hâitakin omin lân tho roh,” a tipuia.

⁵ Khanchu Ezra kha a thoia, ochai irchi u ualhai le Levi irchi le Israel mi murdihai chu, khaanga tho hrangin khomâk a’rsâmtirhaia. Khomâk an irsâm tâka.

⁶ Khanchu Ezra Pathian in tianga irhei kha a hong thoia, Eliasiba nâipa Jehohanana tentan omna hmuna a lûta; kha khan zân khovârin sala hong zôkhai thilsual tho sikin irngaisiatin bu nêk loiin khua an vâra.

⁷ Khan Judai ram tin le Jerusalema sala zôk murdihai laia, Jerusalem-a inkhôm vinga;

⁸ mi tukhom an milianhai le upahai thupêk anga, sûn thum sûnga hong loihai chu a bungrua murdi khitpai pea, ama khom sal intâng zôkhai lai ata, inhnotpai ni a tih, ti thu an inpuanga.

⁹ Khanchu Juda mi le Benjamina mihai chu, kha sûn thum sûngin Jerusalema an irbuk vinga; kha kha a tha kuakna, sûn sômhni ni a nia; Pathian in mikot irzataka khan mipuihai kha an toia, kha thu le ropuivânsâng tho sikin an inthing sup supa.

¹⁰ Khan ochai Ezra chu a ngîra, an laia, “Thil nin lei tho inchâi tâk sikin, Israel mihai thei loina belsa’n nam dang nupanghai dôngma’n nin neia.

¹¹ Khasikin Rengpa nin pi le puhai Pathian kuanga khan ngaidam irzong unglân, a nuamlam sin ta roi; hi rama nam dang le an nupanghai ata hi irdîn ta roi,” a tia.

¹² Khanchu mipui murdi’n an sâma, inringtaka khêkin, “Kin chungchâng thu chu ni iti ang takin kin itho ngêt hrang a ni.

¹³ Khannisian mi kin tam hraia, rotho lai tak a ni sikin, pên tiang hin om thei ta ma unga, khan sûn khat sûn hni sûnga tho zât lak a ni no sikin: hi sika hin a sân kin lei inchâi ok tâka.

¹⁴ Mipuihai irthûlin kin milianhai inkung ni sianlân, kin chunga Pathian ningmurnahai hi a heka, hi thu hi kin infel mâka chu, kin khuaa nam dang dôngma lâkhaiin khua tina an ulianhai le upahai an hong hrang zoro indanga hin hong ri se,” an tia.

¹⁵ Asahela nâipa Jonathana le Tikva nâipa Jahzeia hai vaiin hi thu hi an sêla: Levi irchi Mesulama le Sebethaia’n an changpuia.

¹⁶ Khan sala intâng zôkhaiin khaang tak khan an tho tâka. Ochai Ezra’n in sûngkuaa a luhai irhming hmor a’rziak indang vinga; tha sômna sûn khat nî tena chu kha thu kha ngaitua’n an irbukkhôma.

¹⁷ Khan tha khatna sûn khat ni chu nam dang nupang dôngma neihai chu an infel thei tâka.

Nam dang dôngma lâk chungchâng

¹⁸ Khan ochai nâihai laia nam dang nupang dôngma lâk an inhriathai chu: Jesua le a urênghai laia Jozadaka nâipa le a urêng Maaseia, Eliazara, Jariba, le Gedalia hai

¹⁹ Annihaiin an dôngmahai mâk hrangin thu an inkunga; khan an thei loina sikin, an thei loi changna chu belrahai pâla mi belrachal inkhat leh irbôlin.

²⁰ Khan Imera irchihai laia Hanania le Zebadia.

²¹ Harima irchihai lai ata Maaseia, Elija, Semaia, Jehiela, Uzia hai.

²² Pasura irchihai lai ata Elioenai, Maaseia, Ismaela, Nethanela, Jozabada le Elasa an nia.

²³ Khan Levi irchi laia Jozabada, Simeia, Kelaia, Pethahia, Juda le Eliazara hai an nia.

²⁴ Hlasaktuhai laia Eliasiba a nia, mikot hrungtu laia Saluma, Telema le Uria hai an nia.

²⁵ Israelhai laia Parosa irchia mi Ramia, Izia, Malkija, Mijamina, Eliazara, Malkija le Benaia hai an ni.

²⁶ Elama irchia mi Matania, Zekaria, Jehiela, Abdia, Jeremota, Elija hai.

²⁷ Zatua irchi laia mi Elioenai, Eliasiba, Matania, Jeremota, Zabada, Aziza hai,

²⁸ Bebaia irchia Jehohanana, Hanania, Zabaia, Ahlaia hai

²⁹ Bania irchi laia Mesulama, Maluka, Adaia, Jasuba, Seala, Jeremota hai.

³⁰ Khan Pahat-Moab irchia mi Adna, Kelala Benaia, Maaseia, Matania, Bezalela, Binuia, Manasea,

³¹ Harima irchi laia Eliazara Isija, Malkija, Semaia, Simeona hai;

³² Benjamina, Maluka, Semaria, hai.

³³ Hasuma irchi laia Matenaia, Matata, Zabada, Elifeleta, Jeremaia, Manasea, Simeia hai,

³⁴ Bania irchi laia mi Maadaia, Amrama, Uzia hai;

³⁵ Benaia, Bedeia, Keluhia hai;

³⁶ Vania, Meremota Eliasiba hai;

³⁷ Matania, Matenaia, Jaasua hai;

³⁸ Bania, Binuia, Simeia, hai;

³⁹ Selemia, Nathana, Adaia, hai;

⁴⁰ Maknadebaia, Sasaia, Saraia, hai;

⁴¹ Azarela, Selemia, Semaria, hai;

⁴² Saluma, Amaria, Josefa hai.

⁴³ Neboa irchia mi Jeiela, Matithia, Zabada, Zebina, Idoa, Joela, le Benaia hai an ni.

⁴⁴ Hihai murdi hin nam dang dôngma lâk an ni; senkhathaiin an dôngmahai leh nâi le tê lei nei tâk an ni.