1 JOHANA 1 - PATHIAN LEKHABU IRTHIANG C.L. Bible (BSI)

Hringna Thu

¹ A phut ata om, kin mikuara kin inhriat tâk, kin mita kin ihmu, ngûk taka kin ien, kuta kin itôn, hringna Thu kha kin irziak a ni.

² Kha hringna kha a hong inlanga, kin ihmu tâk, kin inpuanga, Pa kuanga om kumtuang hringna kin kuang a zuang inlang kha, nangni kin inhril a ni.

³ Nangni’n nin ni pôl sa theina hrangin kin ihmu le kin inhriat kha nangni kin ihril a ni, kin irpôlna kha Pa le Nâipa Jisua Krista leh kin irpôlna a nia.

⁴ Kin lôm a’rkip theina hrangin hi thu hi kin irziak a ni.

Pathian chu Vâr a ni

⁵ A Nâipa ata thu kin inhriat nin kuanga kin inpuang chu hi hi a ni: Pathian chu vâr a nia, amaa inthim zel om mah.

⁶ Khasikin, inthima lêng maiin, ama leh ei irpôl ei tia, inthima ei omin chu milak ei thoa, thutak ei izôm loi a ni.

⁷ Ama vâra a om angin vâra ei iomna san chu ei irpôlkhôm hi a ni, A Nâipa Jisua thisenin ei sual murdi a ni’rsûkinfai tâk a ni.

⁸ Sual nei ma ung ei ti’n chu, mâni ei irhuanga, thutak kha einia a iom loi a ni.

⁹ Ei sualhai Pathian kuang ei irphuangin chu, ama kha iam a omin a dika, ei sualhai a ni ngaidamin, ei dikloina murdi a ni irsûkinfâi hrang a ni.

¹⁰ Thilsual tho ma ung ei ti’n chu, Ama kha milak ei inchangtira, a thu khom ei nia a iom loi a ni.