1 TIMOTHEA toc2 1 TIMOTHEA 3 - PATHIAN LEKHABU IRTHIANG C.L. Bible (BSI)

Koiindang hruaitu

¹ Tukhom Koiindang hruaitu sintho a nuamin chu sin sa a itho nuam a ni, ti hi a dik a ni.

² Khanchu Koiindang hruaitu ni hrangin chu sêlna boi, dôngma inkhat nei, insumthei, lungrîl diktak, mi fel, mi lôm dân thei le irchutir thiam mi a ini hrang a ni.

³ Zu in ngailoi, mi vîk ngai loi, mi nunirnêm, irngei nuam mi le sum irngaiinnat loi mi a ini hrang a ni,

⁴ mahripom taka mâni in sûngkua om dân rêla, nâi le te enkol thiam mi a ini hrang a ni.

⁵ Mâni in sûngkua rêl fel thiam loiin itin mo Pathian Koiindang a ienkol thei hrang?

⁶ Iamthar mi ni no ri se, khano’nchu lârirpâk a ta, Diabola angin thiamno changna ti.

⁷ Pên tianga mihai ngaisâng a ini sa hrang a ni, khanchu irhming siatna hloin Diabola chânga a in-ôk loi hrang a ni.

Koiindang sinthotuhai

⁸ Khaang dênin Koiindang sinthotuhai khom omdân sa, lungrîl det, zû’n duloi, porinche taka sum hlêp nuam mi ni loi,

⁹ sia le sa inhriatna irthianga iamna thu chel indet khak mi an ini hrang a ni.

¹⁰ Enfia masa phot hrang an ni, an ruk dênin kêng sin an itho hrang a ni.

¹¹ An nupanghai khom, khaang dênin mi mahripom, mi nuiso ngai loi, insumthei, lam tinrênga mi iamom an ini hrang a ni.

¹² Sinthotuhai chu dôngma inkhat nei, nâi le te in sûngkua enkol thiam mi a ini hrang a ni.

¹³ Sintho insahai chu an dongtum hong sa tîr tîr a ta, Krista Jisua iamna lama khom hong hâi tîr tîr an ti.

Ei sakhua thu’rthup roiinpui

¹⁴ Hi lekha ki’rziak lai hin honga nang hmu lat ki’rsabei maia,

¹⁵ Khannisian, kin hnung taka Pathian sûngkua, Pathian hring Koiindang, thutak vongtuhai chu, i anga om hrang mani, nin hriat theina hrangin ki hong irziak a ni.

¹⁶ Tûte’n ei sakhua thu irthup roiinpuizia hi dik mah ti thei no ni: Ama kha taksa irputin a zuang inlanga. Irtha’n a dikzia an langtira, Vântîrtônhai khomin an hmua. Ama chu nam tin laia inpuang indarh a nia, Rammual pumpuia mihaiin an iama, Roiinpui taka lâkpai a ni ta.