Zabur 87 - Hodáay Pákén Ketáb Balochi zobáná

É hamódá pédá butag

Kórahay chokkáni Zabur. Sawté.

¹ Áiá, pákén kóhay sará shahré addh kort.

² Hodáwandá Sahyunay darwázag dóster ant cha á dega hamá sajjahén jágahán ke Ákub jahmenend butag.

³ Oo Hodáay shahr! Tai bárawá porshánén habar kanaga bit. Ósht...

⁴ Mesr o Bábelá gón hamáyán hór hesába kárán ke maná zánant, Pilistiah o Surá ham, gón Kushá hawár. Esháni bárawá gwashaga bit: “É hamódá pédá butag”.

⁵ Sahyunay bárawá gwashaga bit: “É mardom o á mardom hamódá pédá butagant, borzén arshay Hodá wat Urshalimá pádára kant.”

⁶ Wahdé Hodáwand kawmáni námán nebeshtaha kant, nebisit: “É hamódá pédá butag.” Ósht...

⁷ Á ke sawta janant o á ke nácha kanant gwashant: “Mani sajjahén chammag cha taw bojant.”