Zabur 82 - Hodáay Pákén Ketáb Balochi zobáná

Nezóráni hakká begerét

Asápay Zabur.

¹ Hodá, wati Hodái bárgáhá barjam ent, “hodáyáni” diwáná dádrasia kant.

² Tán kadén pa náensápi shawra borrét? Tán kadén badkáráni badalá bét? Ósht...

³ Nezór o chórhawáni dadrasiá bekanét o garib o setam distagénáni hakká begerét.

⁴ Nézgár o hájatmandán berakkénét o cha badkáráni dastá ázát kanét.

⁵ É “hodá” heccha nazánant o sarpada nabant, taháriá sargardán ant o zeminay sajjahén bonyád larzagá ant.

⁶ Gwashton: “Shomá ‘hodá’ ét o shomá sajjahén, borzén arshay Hodáay chokk ét,

⁷ Bale mardománi paymá merét o shahzádagáni paymá sarshakuna bét.”

⁸ Oo Hodá! Jáh jan o zeminay dadrasiá bekan, ke sajjahén kawm tai mirás ant.