Zabur 8 - Hodáay Pákén Ketáb Balochi zobáná

Porshawkat ent tai nám

Pa sázger o washáwázáni sálárá. “Gittitay” tarzay sará. Dáuday Zabur.

¹ Oo Hodáwand, may Hodáwand! Chenkadar porshawkat ent tai nám jahánay chárén kondhán. Taw wati shán o mazani ásmánáni sarborá sheng o tálán kortag.

² Pa wat satá o saná, chokk o shirmechén nonnokáni dapá ham dátag ke tai dozhmenáni sawabá tará satá bekanant, tánke dozhmen o bérgirán chopp o bétawár bekanay.

³ Wahdé tai ásmánáni némagá chárán ke tai lankokáni ezm o honar ant máh o estáráni némagá, ke taw barjáh dáshtagant,

⁴ ensán chié ke taw áiay gamwár bebay o bani ádam kay ent ke áiay delgóshá bedáray?

⁵ Bale angat taw cha préshtagán bass kammoké kamter kort o mazani o ezzatay táj sará dát.

⁶ Wati dastay sajjahén káráni sará hákem kort o har chizz áiay pádáni chérá esht.

⁷ Sajjahén ramag o górrom gyábán o sahrái jánwar

⁸ ásmánay báli morg o daryáay máhig o har ché ke cha zeray ráhá gwazit.

⁹ Oo Hodáwand, may Hodáwand! Chenkadar porshawkat ent tai nám jahánay chárén kondhán.