Zabur 67 - Hodáay Pákén Ketáb Balochi zobáná

Sajjahén kawm tará satá kanátant

Pa sázger o washáwázáni sálárá. Pa simmi sázán. Zaburé. Sawté.

¹ Hodá may sará mehrabán bát, márá barkat bedayát o wati démá pa má drapshán kanát, ósht...,

² tánke tai ráh jaháná zánag bebit o tai dátagén rakkénag sajjahén kawmáni nyámá.

³ Oo Hodá! Kawm tará satá kanátant, sajjahén kawm tará satá kanátant.

⁴ Kawm shádehi kanátant o shádmániay gwánká bejanátant, chiá ke taw kawmáni sará pa ensáp dádrasia kanay o jahánay kawmáni rahshóna bay. Ósht...

⁵ Oo Hodá! Kawm tará satá kanátant, sajjahén kawm tará satá kanátant.

⁶ Zeminá wati bar o samar dátag, Hodá, may Hodá, márá barkat bedayát.

⁷ Hodá márá barkat bedayát tánke zeminay chár kondh áiay mazaniá sharap bedayant.