Zabur 61 - Hodáay Pákén Ketáb Balochi zobáná

Maná dém pa talárá bar

Pa sázger o washáwázáni sálárá. Gón simi sázán. Dáuday Zabur.

¹ Oo Hodá! Mani peryátá beshkon o mani dwáyá gósh dár.

² Tará cha zeminay godhsará gwánka janán, wahdé delona drahit. Maná dém pa taláréá bar ke cha man borzter ent.

³ Chiá ke taw mani panáhgáh butagay o dozhmenáni démá mohrén borjé.

⁴ Bell ke tai tambuá tán abad bemánán o tai bánzoláni sáhegá panáh bezurán. Ósht...

⁵ Chiá ke taw, oo Hodá, mani dátagén kawl eshkotagant o wati námay torsetagénáni miráset maná bakshátag.

⁶ Bádsháhay omray róchán báz kan o áiay sálán, tán sajjahén naslán.

⁷ Hodáay bárgáhá tán abad sháhi tahtá benendát, wati mehr o wapádáriá áiay negahpán kan.

⁸ Nun tai námá modám názénán o wati kawlán har róch puraha kanán.