Zabur 47 - Hodáay Pákén Ketáb Balochi zobáná

Hodá, sajjahén jahánay bádsháh

Pa sázger o washáwázáni sálárá. Kórahay chokkáni Zabur.

¹ Oo sajjahén kawmán! Cháp bejanét. Gón shádmániay borzén sawtán dém pa Hodáyá kukkár kanét.

² Chiá ke borzén arshay Hodáwand bákamál ent, sajjahén jahánay mazanén bádsháh.

³ Kawmán may chérdasta kant, ráján may pádáni chérá.

⁴ May mirásá pa má gechéna kant, wati dóstén Ákubay pahrá. Ósht...

⁵ Hodá shádmániay kukkáráni nyámá borzád shotag, Hodáwand sornáay tawáray nyámá.

⁶ Gón wati názénkán Hodáyá satá kanét, názénk janét, benázénét, may bádsháhá benázénét.

⁷ Chiá ke Hodá sajjahén jahánay bádsháh ent, áiá gón shayré benázénét.

⁸ Hodá kawmáni sará bádsháhia kant, á wati pákén tahtá neshtag.

⁹ Kawmáni sarók o master mocch butagant, gón Ebráhémay Hodáay kawmá yakjáh, chiá ke jahánay sajjahén sardár, Hodáayg ant, á béhesáb maz‌anshán ent.