Zabur 46 - Hodáay Pákén Ketáb Balochi zobáná

Hodá may kalát ent

Pa sázger o washáwázáni sálárá. Kórahay chokkáni Zabur. “Alámutay” tarzay sará. Sawté.

¹ Hodá may panáhgáh o zór o wák ent, madat kanóké ke sakkiáni wahdá tayár ent.

² Paméshká natorsén, toré zemin bejombit o kóh daryáay delá bekapant.

³ Toré áiay áp grumbán o kap o gajj bebant o kóh cha áyáni grumbagá belarzant. Ósht...

⁴ Kawré hast ke jói Hodáay shahrá shádmána kanant, borzén arshay Hodáay pákén jágahá.

⁵ Hodá shahray nyámá ent o shahra nasorit, bámgwáhá Hodá madatia kant.

⁶ Kawm shóresha kanant o hokumat sarshakuna bant, á wati tawárá borza kant o zemin ápa bit.

⁷ Lashkaráni Hodáwand gón má gón ent, Ákubay Hodá may kalát ent. Ósht...

⁸ Byáét Hodáay kárán bechárét, begendét ke áiá zeminá chónén béráni áwortag.

⁹ Zeminay chárén kondhán jangán halása kant, kamáná próshit, nayzahá hurt hurta kant o arrábahán ás mána dárit.

¹⁰ “Watá bedárét o bezánét ke man, Hodá án, kawmáni sará hokmrán o jaháná hákem.”

¹¹ Lashkaráni Hodáwand gón má gón ent, Ákubay Hodá may kalát ent. Ósht...