Zabur 43 - Hodáay Pákén Ketáb Balochi zobáná

Oo mani arwáh! Chiá paréshán ay?

¹ Oo Hodá! Gonáhay bohtámá cha mani sará bethagalén, Hodánábáwarén kawméay démá, pa mani hakká jáh bejan o maná cha badkár o prébkáráni dastá berakkén,

² chiá ke taw mani kalát ay. Taw parchá maná cha wat dur kortag? Chiá cha dozhmenay ázárá mótk byárán?

³ Wati rozhn o rástiá ráh day, tánke mani rahshón bebant o maná pákén kóhá o tai bárgáhá byárant.

⁴ Á wahdi Hodáay korbánjáhá rawán, dém pa Hodáyá ke mani wasshi o shádehi ent. Oo Hodá, mani Hodá! Tará gón changá názénán.

⁵ Oo mani arwáh! Chiá gimmortagay? Chiá mani del o daruná paréshán ay? Óst o omét Hodáay sará bekan, chiá ke nóksará hamáiá názénán, wati rakkénók o wati Hodá.