Zabur 29 - Hodáay Pákén Ketáb Balochi zobáná

Hodáwanday tawár zórmand ent

Dáuday Zabur.

¹ Oo ásmánián! Hodáwandá satá kanét, Hodáwanday shán o kodratá satá kanét.

² Hodáwanday námay shán o shawkatá satá kanét, Hodáwandá mán áiay pák o palgárén drapshnákiá satá kanét.

³ Hodáwanday tawár ápáni sarborá ent, shán o shawkatay Hodá grandit, Hodáwand porzórén ápáni sarborá grandit.

⁴ Hodáwanday tawár zórmand ent, Hodáwanday tawár drapshnák ent.

⁵ Hodáwanday tawár gazzána próshit, Hodáwand Lobnánay gazzána próshit.

⁶ Á Lobnáná gwaskéay paymá jáha serrénit, Siryuná jalabén gókéay paymá.

⁷ Hodáwanday tawár grand o grókén áchesh rawána kant.

⁸ Hodáwanday tawár gyábáná larzénit, Hodáwand Kádeshay gyábáná larzénit.

⁹ Hodáwanday tawár áposén áskána géjénit o jangalá bé lamb o táka kant. Áiay parasteshgáhá sajjahén gwánka janant: “Shawkat o shán!”

¹⁰ Hodáwand hár o tuppánay sarborá, wati tahtay sará neshtag, Hodáwand tán abad wati bádsháhi tahtay sará neshtag.

¹¹ Hodáwand wati kawmá wák o kodrat bebakshát, Hodáwand wati kawmá gón sohl o émeni barkat bedayát.