Zabur 20 - Hodáay Pákén Ketáb Balochi zobáná

Oo Hodáwand! Bádsháhá sób o pérózi beday

Pa sázger o washáwázáni sálárá. Dáuday Zabur.

¹ Hodáwand tará sakki o sóriáni róchá passaw bedayát, Ákubay Hodáay nám tará negahpán bát.

² Cha wati pákén jágahá pa taw komak berasénát o cha Sahyuná tará madat kanát.

³ Tai sajjahén korbánigán wati yátá bedárát, tai sóchagi korbánigáni mannók bát. Ósht...

⁴ Tai delay wáhagán barjáh dárát o tai sajjahén shawrbandián kámyáb kanát.

⁵ Tai sób o péróziá gón shádmáni kukkár bekanén o wati bayraká tai námay sará borzád bechandhénén. Hodáwand tai sajjahén dazbandián purah o sarjam bekanát.

⁶ Nun zánton ke Hodáwand wati rógen per moshtagéná rakkénit o cha wati pákén ásmáná áiá passawa dant, gón wati rástén dastay rakkénókén wák o tágatá.

⁷ Lahtén wati asp o arrábaháni sará pahra kanant, bale má wati Hodáwandén Hodáay námay sará pahra kanén.

⁸ Á srénprósha bant o kapant, bale má páda káén o mohra óshtén.

⁹ Oo Hodáwand! Bádsháhá sób o pérózi beday. Tawár ke kanén, may passawá beday.