Zabur 150 - Hodáay Pákén Ketáb Balochi zobáná

Har sahdár Hodáwandá satá bekanát

¹ Hodáwandá benázénét, Halléluyá. Hodáyá áiay pákén arshá satá kanét, áiay zór o wákay ásmánán.

² Pa áiay porwákén kárán áiá satá kanét, pa áiay kámelén mazaniá áiá satá kanét.

³ Áiá gón sornáay tawárá satá kanét, gón soróz o changán satái kanét.

⁴ Áiá gón zháng o nách satá kanét, gón simmi sázán o nalá satái kanét.

⁵ Áiá gón dhohlán satá kanét, gón borztawárén dhohlán.

⁶ Har chizzá ke sáh mán, Hodáwandá satá bekanát. Hodáwandá benázénét, Halléluyá.