Zabur 149 - Hodáay Pákén Ketáb Balochi zobáná

Pa Hodáwandá nókén sawté bejanét

¹ Hodáwandá benázénét, Halléluyá. Pa Hodáwandá nókén sawté bejanét o áiá, áiay wapádáráni mocchiá benázénét.

² Esráil pa wati addh kanóká shádehi bekanát, Sahyunay chokk pa wati bádsháhá gal bátant.

³ Gón nách áiay námá satá bedayát o áiá gón zháng o chang benázénátant.

⁴ Chéá ke Hodáwand cha wati kawmá washnód ent, á békebrán sóbmandiay tájá bakshit.

⁵ Áiay wapádár gón é pahrá shádehi bekanát o wati gandaláni tahá shádehiay sawt bejanátant.

⁶ Hodáwanday satá o sanáesh dapá bát o dodapén zahmesh dastá

⁷ ke cha ráján bér begerant o kawmán sezá bedayant,

⁸ bádsháhánesh pa zamzil bebandant o sardáránesh pa ásenén pádband,

⁹ tánke hamá dadrasiá barjáh bekanant ke esháni helápá nebeshtah kanag butag, é, áiay sajjahén wapádáráni shán ent. Hodáwandá benázénét, Halléluyá.