Zabur 130 - Hodáay Pákén Ketáb Balochi zobáná

Hodáwanday wadárá án

Dém pa Urshalimá borzád rawagay sawté.

¹ Man cha johlánkián tará tawára kanán, oo Hodáwand!

² Hodáwand! Mani tawárá gósh dár, mani peryát o zárián delgósh kanátay.

³ Oo Hodáwand! Agan taw gonáhán hesáb bekanay, gorhá kay pashta kapit, oo Hodáwand?

⁴ Bale taw bakshendah ay tánke tai tors may delá bebit.

⁵ Man pa Hodáwandá wadára kanán, mani sajjahén del o ján wadára kant o mani omét gón Hodáay habará ent.

⁶ Pa Hodáwandá wadára kanán cha hamá negahpánán géshter ke sohbay wadárá ant, haw, cha hamá negahpánán géshter ke sohbay wadárá ant.

⁷ Oo Esráil! Ométá pa Hodáwandá bedár, ke mehr gón Hodáyá ent o kámelén rakkénag hamáiay dastá ent.

⁸ Á wat Esráilá mókit cha áyáni sajjahén gonáhán.