Zabur 129 - Hodáay Pákén Ketáb Balochi zobáná

Maná ázáresh dátag

Dém pa Urshalimá borzád rawagay sawté.

¹ “Áyán maná cha warnáiá sakk báz ázár dátag,” Esráil begwashát:

² “Maná cha warnáiá sakk báz ázáresh dátag bale maná chérdastesh kort nakortag.

³ Nangár kanókán mani srén nangár kortag o pal dráj kortagant.

⁴ Bale Hodáwand ádel ent, badkáráni zamzili sestant o maná ázáti kort.”

⁵ Hamá ke cha Sahyuná naprata kanant, sharmsár bát o poshtá bekenzátant.

⁶ Chó bánáni saray káhá bátant ke cha rodagá pésar hoshka bit,

⁷ ke ronókay panjagay porré nabit, chenókay bagalá porra nakant.

⁸ Rahgwazé ham pa áyán nékdwai makanát o magwashát: “Hodáwand shomárá barkat bedayát, má Hodáwanday námá shomárá barkata dayén.”