Zabur 128 - Hodáay Pákén Ketáb Balochi zobáná

Hodátorsiay bahtáwari

Dém pa Urshalimá borzád rawagay sawté.

¹ Bahtáwar hamá ent ke Hodáwanday torsi delá ent o áiay parmánbardáriá gáma jant.

² Taw wati zahmatay bar o samará waray o bahtáwar o washhála bay.

³ Tai jan tai lógay tahá chó bar áwarén angurá bit, tai chokk tai parzónagay chapp o chágerdá chó zaytunay nahálá bant.

⁴ Haw, hamá mardom ke Hodáwanday tors áiay delá ent hamé dhawlá bahtáwara bit.

⁵ Hodáwand cha Sahyuná tará barkat bedayát, Urshalimay ábádiá begendátay, wati zenday sajjahén róchán.

⁶ Wati chokkáni chokkán begendátay, Esráil émen o salámat bát.