Zabur 126 - Hodáay Pákén Ketáb Balochi zobáná

May washbahtiá padá byár

Dém pa Urshalimá borzád rawagay sawté.

¹ Wahdé Hodáwandá Sahyunay washbahti per tarrént o áwort má purah wáb gendagá atén.

² May dap cha kandagá porr at, zobán cha shádehiay sawtá. Á wahdá kawmáni nyámá gwashag but: “Hodáwandá pa eshán mazanén kár kortag.”

³ Haw, Hodáwandá pa má mazanén kár kort, má gal atén.

⁴ Oo Hodáwand! May washbahtiá padá byár, anchó ke kawr Négéway gyábáná ábádia kárit.

⁵ Hamá ke ars récháná kesht o keshára kanant, pa shádehi kukkár kanáná ronant.

⁶ Hamá ke gréwáná dara kapit o tohmán pa keshagá bárt, pa shádehi kukkár kanáná wátarra kant o wati lóthokána kárit.