Zabur 124 - Hodáay Pákén Ketáb Balochi zobáná

Hodáwanday nám may madat ent

Dém pa Urshalimá borzád rawagay sawté. Dáuday Zabur.

¹ “Agan Hodáwand gón má gón mabutén,” Esráil begwashát:

² “Agan Hodáwand gón má gón mabutén á wahdá ke mardomán may sará orosh o hamlah kort,

³ áyán márá zendagá ér bortagat wahdé hezhmesh may sará chest at.

⁴ Á wahdá ápán márá ér bortagat, hár o tuppáná márá mán roptagat,

⁵ mastén ápán márá rópán kortagat.”

⁶ Hodáwandá satá bát ke naeshti má esháni dantánáni shekár bebén.

⁷ May zendi anchó rakként ke báli morgé cha shekáriay dámá, dám dert o má rakketén.

⁸ Hodáwanday nám may madat ent, ásmán o zeminay jórh kanókay nám.