Zabur 123 - Hodáay Pákén Ketáb Balochi zobáná

Chammán dém pa taw chesta kanán

dém pa Urshalimá borzád rawagay sawté.

¹ Wati chammán dém pa taw chesta kanán, taw ke arshá, wati bádsháhi tahtay sará neshtagay.

² Anchó ke goláméay chamm wati wájahay dastá sakk ant o móledéay chamm wati bánoká may chamm Hodáwandén Hodáyá sakk ant ke may sará rahm bekant.

³ May sará rahm kan, oo Hodáwand! Rahm kan may sará, ke má sakk báz béezzati saggetag,

⁴ Ásudagén mardománi rishkand o porkebráni kalág márá pa sarjamiá rasetag.