Zabur 122 - Hodáay Pákén Ketáb Balochi zobáná

Hodáwanday lógá berawén

Dém pa Urshalimá borzád rawagay sawté. Dáuday Zabur.

¹ Áyán ke gwasht: “Hodáwanday lógá berawén” man shádán bután.

² Chón wassh! May pád cha tai darwázagán potertag o óshtátagant, oo Urshalim!

³ Urshalim anchosh bandag butag ke shahr cha har némagá gón wat chó tagerdéá gwaptag.

⁴ Hamódá ke kabilaha rawant, Hodáwanday kabilah ke Hodáwanday námá benázénant hamá ahd o karáray hesábá ke Esráilá dayag butag.

⁵ Ódá dádrasiay taht barjáh dárag butagant Dáuday kahól o hándánay taht.

⁶ Pa Urshalimay émeniá dwá kanét, harkas ke tará, ó Urshalim, dósta dárit, ásudag bát.

⁷ Tai shahray diwáláni tahá sohl o émeni bát o tai kalátán ásudagi.

⁸ Wati brát o sangatáni háterá gwashán: “Tará sohl o émeni sar bát.”

⁹ Wati Hodáwandén Hodáay lógay háterá tai ábád bayagay lóthók án.