Zabur 120 - Hodáay Pákén Ketáb Balochi zobáná

Maná cha prébkárán berakkén

Dém pa Urshalimá borzád rawagay sawté.

¹ Wati sakki o sóriáni wahdá man gón Hodáwandá peryát kort o áiá maná passaw dát.

² “Oo Hodáwand! Maná cha drógbandén lonth o prébkárén dapán berakkén.”

³ Oo prébkárén dap! Hodáwand tará ché bedant o ched o gésh gón taw ché bekant?

⁴ Tará gón jangóláni tézén tir o gón rókén eshkarán sezá dant.

⁵ Apsóz pa man ke Méshékay molká neshtagán, ke man Kédaray gedánán jahmenend án.

⁶ Man gón choshén mardomán zend gwázenagá dam bortag ke cha sohl o émeniá naprata kanant.

⁷ Sohl o émeni pasondén mardomé án bale har wahdá ke habaré kanán, é jangá páda káyant.