Zabur 114 - Hodáay Pákén Ketáb Balochi zobáná

Wahdé Esráil cha Mesrá dar átk...

¹ Wahdé Esráil cha Mesrá dar átk, Ákubay hándán, cha darámadén zobánéay mardománi nyámá,

² Yahudá Hodáay gechén kortagén o Esráil áiay bádsháhi but.

³ Daryáyá dist o tatk, Ordonay kawr, poshtá kenzet.

⁴ Kóh chó gwarándhá setth janán butant o jomp chó gwaragá.

⁵ Oo daryá! Ché but ke taw tatkay? Oo Ordon! Ché but ke taw poshtá kenzetay?

⁶ Oo kóhán! Ché but ke shomá chó gwarándhá setth jat, shomá chó gwaragá, oo jompán?

⁷ Belarz, oo zemin! Hodáwanday bárgáhá, Ákubay Hodáay bárgáhá.

⁸ Áiá talár gwarm kortant, cha ápá porr, mohrén seng ápay chammag.