Zabur 113 - Hodáay Pákén Ketáb Balochi zobáná

Hodáwand nézgárá chesta kant

¹ Hodáwandá benázénét, Halléluyá. Benázénét, oo Hodáwanday hezmatkárán! Hodáwanday námá benázénét.

² Hodáwanday námá satá o saná bát, cha annuná tán abad.

³ Mashreká beger tán magrebá, Hodáwanday nám názénag bát.

⁴ Hodáwand sajjahén kawmáni sará porjalál ent o áiay shán o shawkat cha ásmánán borzter.

⁵ Kay may Hodáwandén Hodáay dhawlá ent? May Hodá borzád, wati bádsháhi tahtá neshtag.

⁶ Á jahla bit ke ásmán o zeminá bechárit.

⁷ Á nézgárá cha háká o hájatmandá cha poráni hákóthá chesta kant.

⁸ Shahzádagáni nyámá nádénitesh, wati kawmay shahzádagáni nyámá.

⁹ Santh o béawládén janéná washdel o chokkáni máta kant o áiay lógá ábád. Hodáwandá benázénét, Halléluyá.