Zabur 110 - Hodáay Pákén Ketáb Balochi zobáná

Mani rástén némagá benend

Dáuday Zabur.

¹ É Hodáwanday paygám ent pa mani Hodáwandá: “Mani rástén némagá benend tán hamá wahdá ke tai dozhmenán tai pádáni chéray padag o chárchóbahé bekanán.”

² Hodáwand cha Sahyuná tai zóráwarén asáyá shahára dant o gwashit: “Wati dozhmenáni nyámá hákemi kan.”

³ Á róchá ke taw wati lashkará moccha kanay, tai mardom pa shawké góna bant. Gón pákiay shán o zébáiá tai warná tai gwará káyant, chó ke nód cha bámgwáhay bátená.

⁴ Hodáwandá sawgend wártag o pashómana nabit, ke: “Taw tán abad dini péshwáé ay, Malkisedikay hesábá.”

⁵ Hodáwand tai rástén dastá ent, wati gazabay róchá bádsháhána droshit.

⁶ Kawmán sezá dant, zeminá cha láshá porra kant o sajjahén zeminay hákemána droshit.

⁷ Ráhá, cha kawréá ápa wárt o sóbéna o sarbolanda bit.