Zabur 11 - Hodáay Pákén Ketáb Balochi zobáná

Hodáwand wati Pákén parasteshgáhá ent

Pa sázger o washáwázáni sálárá. Dáuday Zabur.

¹ Man Hodáwanday mayár o báhóth án, gorhá shomá maná che paymá gwashét: “Morgé bebay o wati kóhá bál kan.

² Chiá ke haw, badkár kamáná kasshant o tiresh zehá dátag, ke mán tahárókiá nékdelán bejanant.

³ Agan bonred tabáh kanag bebant, gorhá pahrézkár ché korta kant?”

⁴ Hodáwand wati pákén parasteshgáhá ent, Hodáwanday taht ásmáná ent. Chammi gendagá ant, didagi ensánay chokkána ázmáit.

⁵ Hodáwand pahrézkár o badkárána chakkásit, áiay ruh cha hamáyán naprata kant ke sherr o sheddatesh dósta bit.

⁶ Badkáráni sará angar o gókorta gwárénit, áyáni jám o pyálahay bahr, sóchák o lewárén gwát ent.

⁷ Hodáwand ádel ent, áiá adl o ensáp dósta bit, nékdel áiay démá gendant.