Zabur 101 - Hodáay Pákén Ketáb Balochi zobáná

Wapádárén mardom shóháza kanán

Dáuday Zabur.

¹ Mehr o adlay sawtá janán, tará názénán, oo Hodáwand!

² Bémayáriay ráhá rawán. Mani kerrá kadi káay? Gón delpahki wati lógá zenda gwázénán.

³ Wati chammán sell o bazzhnákén chizzáni cháragá naylán, cha náráhén kárán bézár án, maná gón choshén chizzán kár nést.

⁴ Gomráhdelén mardomán cha wat dura dárán, maná gón hecch badiéá kára nabit.

⁵ Gár o gomsára kanán hamáiá ke wati hamsáhegay báposhtá habara kant. Hech porkebrén chamm o gorunákén deléay ópárá nakanán.

⁶ Mani chamm zeminay sará wapádárén mardom shóháza kanant tánke gón man jahmenend bebant, hamá kas mani hezmatkár buta kant ke pa bémayária gardit.

⁷ Prébkárá mani lógá jágaha nabit o drógband mani hezmatá korta nakant.

⁸ Har sohbá molkay sajjahén badkárán tabáha kanán, radkárán cha Hodáwanday shahrá gár o gomsára kanán.