Zabur 1 - Hodáay Pákén Ketáb Balochi zobáná

Zaburay awali ketáb Zabur 1—41 Pahrézkár o badkáráni ráh

¹ Bahtáwar hamá ent ke badkáráni shawr o saláhay sará narawt, gonahkáráni rahsará naóshtit o rishkand kanókáni diwáná nanendit,

² hamá ke wáhagi gón Hodáwanday tálimá ent o róch o shap áiay tálimay sará pekra kant.

³ Á hamá drachkay paymá ent ke rombókén jósaréay kerrá keshag butag o mósomay sará nibaga dant o táki nagimmorant, harché ham ke kant kámyába bit.

⁴ Bale badkár chosh naant, á hamá pog o paláráni paymá ant ke gwátesha rópit o bárt.

⁵ Gorhá bezán ke badkárán, pa dádrasiá óshtagay wák o twán nést o gonahkár pahrézkáráni diwáná hór buta nakanant.

⁶ Ke Hodáwand pahrézkáráni ráhay negahpán ent, bale badkáráni ráh tabáhi o bégwáhi ent.