Pédáesh 5 - Hodáay Pákén Ketáb Balochi zobáná

Cha Ádamá beger tán Nuhá

¹ Ádamay nasl o padréchay ketábi kessah chosh ent: Hodáyá á róchá ke ensán jórh kort, wati sheklá jórhi kort.

² Mardén o janéni jórh kortant. Hamá wahdá ke addhi kortant, barkati dátant o áyáni námi ensán kort.

³ Ádamá ke 130 sál but, wati paymén, wati sheklay mardénchokkéay pet but o áiay námi Sayt kort.

⁴ Saytay pédáeshá rand, Ádamá 800 sál omr kort o áiá dega mardénchokk o janénchokk ham but.

⁵ É hesábá Ádamá sarjamiá 930 sál omr kort o mort.

⁶ Saytá ke 105 sál but, cha áiá Énósh pédá but.

⁷ Énóshay pédáeshá rand, Saytá 807 sál omr kort o áiá dega mardénchokk o janénchokk ham but.

⁸ É hesábá Saytá sarjamiá 912 sál omr kort o mort.

⁹ Wahdé Énóshá 90 sál but, cha áiá Kenán pédá but.

¹⁰ Cha Kenánay pédáeshá rand, Énóshá 815 sál omr kort o áiá dega mardénchokk o janénchokk ham but.

¹¹ Énóshá sarjamiá 905 sál omr kort o mort.

¹² Kenáná ke 70 sál but, cha áiá Mahalalél pédá but

¹³ Mahalalélay pédáeshá rand, Kenáná 840 sál omr kort o áiá dega mardénchokk o janénchokk ham but.

¹⁴ Kenáná sarjamiá 910 sál omr kort o mort.

¹⁵ Wahdé Mahalalélá 65 sál but, cha áiá Yáred pédá but.

¹⁶ Yáreday pédáeshá rand, Mahalalélá 830 sál omr kort o áiá dega mardénchokk o janénchokk ham but.

¹⁷ Mahalalélá sarjamiá 895 sál omr kort o mort.

¹⁸ Wahdé Yáred 162 sál but, cha áiá Hanuk pédá but.

¹⁹ Hanukay pédáeshá rand, Yáred 800 sál omr kort o áiá dega mardénchokk o janénchokk ham but.

²⁰ Yáred sarjamiá 962 sál omr kort o mort.

²¹ Wahdé Hanuká 65 sál but, cha áiá Metushálah pédá but.

²² Metushálahay pédáeshá rand, Hanuká 300 sál Hodáay ráhá gáma jat o áiá dega mardénchokk o janénchokk ham but.

²³ Hanukay sarjamén omr 365 sál but.

²⁴ Hanuká Hodáay ráhá gáma jat o randá kassá nadist, chéá ke Hodáyá Hanuk zendagá zort o bort.

²⁵ Wahdé Metushálahá 187 sál but, cha áiá Lamék pédá but.

²⁶ Lamékay pédáeshá rand, Metushálahá 782 sál omr kort o áiá dega mardénchokk o janénchokk ham but.

²⁷ Metushálahá sarjamiá 969 sál omr kort o mort.

²⁸ Wahdé Laméká 182 sál but, cha áiá mardénchokké pédá but.

²⁹ Áiá wati chokk Nuh námént o gwasht: “É chokk márá cha may dastáni hamá gránén kár o zahmatán ásudaga kant ke cha Hodáay nálat kortagén zeminá chest butagant.”

³⁰ Nuhay pédáeshá rand, Laméká 595 sál omr kort o áiá dega mardénchokk o janénchokk ham but.

³¹ Laméká sarjamiá 777 sál omr kort o mort.

³² Nuhay omr 500 sál but o randá cha áiá Sám o Hám o Yápet pédá butant.