Kanta 87 - Hanunuu

Kanta 87 Pagdayaw sa Hirusalim

Ti kanta kay isinurat manga anak ni Kura.

^1-2 Ibinungsud Panginuun ti banwa Siun sa banal pag bantud. Pagmahalun niya inda pag banwa higit sa tanan rugar sa Israil.

³ Mararinu pag manga bagay kay pagbagawun tungkul sa inda pag banwa.

⁴ Magkun siya, “Nu ilista ti manga nasyun magkilala sa kangku, iminsan niku ti Ihiptu ag ti Babilunya, hanggan diman ti Pilistiya, ti Tiru, ag ti Itiyupya. Iminsan niku kanda manga nasakupan kuntay tinubu sa Siun.”

⁵ Kay tutuu tungkul sa Siun, mayamu pag manga nasakupan ti kilalan-un tinubu Siun. Ag ti Kaabwat-abwatan pag Diyus imaw ti pumarig-un sa inda pag banwa.

⁶ Ilista Panginuun kay manga nasakupan ag iminsan diman niya ti manga nasakupan kay pagkilalan-un tinubu Siun.

⁷ Sida tanan manayaw ag manganta magkun, “Ginan sa Siun ti tanan nita papalad!”