Kanta 82 - Hanunuu

Kanta 82 Ti Diyus ti Pinakaabwat sa Tanan manga Manugdumara

Ti isinurat ni Asap pag kanta.

¹ Pagpangunahan Diyus ti pagtiripun niya manga nasakupan. Sa karaw-an manga manughusay siya ti magsintinsiya sa kanda.

² Magkun siya, “Tugka waya lugud kapira kamu manhusay balaw matadlung? Tugka waya lugud kapira niyu pag paangayan ti manga daut?

³ Pakan-i niyu katadlungan ti manga makuri hanggan ti manga ulila. Apini niyu ti karampatan manga magpangailangan hanggan pag-apihun.

⁴ Ribrihan ti manga makuri hanggan ti manga pugri sa kapangyarihan manga daut pag tawu!

⁵ Unman kamu may pasunaid! Unman niyu alam ti katadlungan! Unman niyu naintindihan ti daut ti mayad! Magkabuhi kamu sa kadudulman, nakan ngani unman yi may kahusayan sa kalibutan, ga magkatandug ti tanan patakinan kalibutan.

⁶ Aku, ti Kaabwat-abwatan pag Diyus, magkun sa kanyu, manga diyus kamu ag kamu tanan manga anak niku.

⁷ Dapat mamatay kamu parihu ga iba manga tawu. Madura kanyu buhi parihu sa una si unu pag takinan sa kalibutan.”

⁸ Diyus, sintinsiyahi yi ti tanan nasyun sa kalibutan, dahil kanmu sida.