Kanta 8 - Hanunuu

Kanta 8 Ti Kamaskihan Diyus Makitan sa Buu Kalibutan

Kanta ni Dabid para sa manugpanguna sa magkanta. Gamita ti pamatunug “Gittith”.

¹ Panginuun, kanmi amu, kanmu kadayawan makitan sa buu kalibutan! Ipinakakit nimu kanmu kadayawan hanggan sa kalangitan.

² Una ngani ti dariit pag manga anak tinudluan nimu magdayaw sa kanmu, agud mangay-a kanmu manga kalaban magkaibug manbalus.

³ Nu magtangda aku sa langit kanmu linalang, ag mag-akitan niku ti bulan hanggan ti manga pamgasan kanmu ipinauli sa kanda ulian,

⁴ magpaingana aku nu unu gid ungud ti tawu kanmu gid pag-alalahanun? Tawu lang siya, hayga pag-alalahanun gid nimu?

⁵ Binwat nimu siya mas ababa kaysa manga anghil, dapat pagparangalan nimu siya parihu sa hari.

⁶ Binwat nimu siya manugpanguna sa kanmu manga linalang; ipinasirung nimu sa kanya inda tanan,

⁷ sakup yi sitay ti tanan pag hayup: ti maglakaw,

⁸ ti maglayang, hanggan ti maglanguy.

⁹ Panginuun, kanmi amu, kanmu kadayawan makitan sa buu kalibutan!