Kanta 67 - Hanunuu

Kanta 67 Pagdayaw ag Pagpasalamat

Usa ka kanta hampay kantahun manugpanguna sa magkanta. Gamita ti manga pamatunug may bakyang.

¹ Diyus, kaawa-i ag papaladi duy kami. Pakakitan sa kanmi kanmu kaayadan

² agud maalaman tanan nasyun sa kalibutan kanmu nalub-anan ag karibrihan.

³ Diyus, mana dayawun kawu tanan tawu.

⁴ Mana manbarayaan ag mangarantahan sa kabayaan ti tanan tawu sa kalibutan dahil matadlung kanmu paghatul sa kanda ag paggiyahan nimu sida.

⁵ Diyus, mana dayawun kawu tanan tawu.

^6-7 Mana pumatubas ti daga. Mana papaladan kita nita Diyus. Ti tanan tawu sa buu kalibutan mana gumalang sa kanya.