Kanta 54 - Hanunuu

Kanta 54 Ti Diyus ti Manug-awat

Ti “maskil” ngatay tula ni Dabid para sa manugpanguna sa magkanta. Pagka isinumbung taga Sip sa kan Saul kuntay magpatagu siya sa kanda rugar. Gamita ti manga pamatunug may bakyang.

¹ Diyus, ribrihan aku; sa panab-anan nimu kamaskihan patutuhani unman aku may kasalanan.

² Patingihi kang manga darangin,

³ dahil ti manga taga iba rugar maggira sa kangku hampay matyun aku. Manga maisug sida ag unman magkilala sa kanmu.

⁴ Dapat siguradu aku kawu, Diyus, imaw ti mag-awat sa kangku. Kawu, Panginuun, kang palasalandigan.

⁵ Mana ti pagbuwatun pag kadautan niku manga kalaban bumalik sa kanda. Sa kanmu katapatan, Diyus, rurisa sida.

⁶ Panginuun, manhandug aku sa kanmu buluntad pag handug. Dayawun niku kawu dahil mayad kawu.

⁷ Dahil iribri gid nimu aku sa tanan niku pag kakurian, ag makitan gid niku ti pagkatalu niku manga kalaban.