Kanta 29 - Hanunuu

Kanta 29 Ti Makamaskihan pag Busis Panginuun

Kanta ni Dabid.

¹ Dayawun niyu ti Panginuun, kamu pag manga taga langit pag linalang. Dayawun niyu kay kadayawan hanggan kamaskihan.

² Dayawun niyu kay pagkamakamaskihan. Sambaha niyu siya sa kay pagpakakit sa kay banal pag kadayawan.

³ Magkurarug ti busis Panginuun, ti makamaskihan pag Diyus, mag-adnugan di inda sa kalalawdan dagat.

⁴ Makamaskihan ag galalangun ti busis Panginuun.

⁵ Ti busis Panginuun magbari hanggan magwayak matibay pag manga kayu sidru sa Libanun.

⁶ Paghaluun Panginuun ti manga bantud sa Libanun hanggan ti bantud Hirmun, ga turiti baka mag-utbaw.

⁷ Ti busis Panginuun magpakilat

⁸ hanggan magtandug pangawakawaan, una waya ti pangawakawaan Kadis.

⁹ Ti busis Panginuun makapaanak sa karasyaw hanggan magparagdag manga labung kayu. Ti tanan ati sa Balay Diyus magringgit, “Makamaskihan ti Diyus!”

¹⁰ Ti Panginuun ti may kamaskihan sa manga baha. Maghari siya sa unman may katapusan.

¹¹ Pagpabisugun Panginuun kay nasakupan ag pagpakan-an mayad pag kahamtangan.