Kanta 15 - Hanunuu

Kanta 15 Ti Pagkaibgan Diyus sa manga Magsamba sa Kanya

Kanta ni Dabid.

¹ Panginuun, si unu lugud ti mahimu makasaka sa kanmu Balay? Si unu lugud ti mahimu makaulian sa kanmu banal pag bantud?

² Nagsagut ti Panginuun, “Ti tawu magpangabuhi unman may ikasabi ag magbuwat matadlung. Magbagaw siya tutuu ag ginan sa kay tagipusuun.

³ Unman siya maglibak sa iba, unman siya magbuwat ngatay magbagaw daut sa kay kaparihu.

⁴ Pagdayuun niya ti manga pagbugyahan niku pag tawu dapat pagdayawun niya ti manga magsunud sa kangku. Pagtupadun gid niya kay taratu una kabitay kay kakuri para sa kanya.

⁵ Magpautang siya unman may tubu, unman siya magtanggap suhul agud kumastigus laban sa unman may kasalanan.” Ti magbuwat katunda rumig-un kay kahamtangan hanggan waya aban.