Kanta 142 - Hanunuu

Kanta 142 Darangin para sa Awat Diyus

Ti “maskil” ngatay tula ni Dabid katpung ati siya sa lukib. Inda usa ka darangin.

¹ Magtawag aku mabaskug sa kanmu, Panginuun. Magdarangin aku hampay kaawaan nimu aku.

² Pagsabihun niku sa kanmu kang manga riklamu ag manga kakurian.

³ Nu nabul-an aku pag-asa, asan kawu magbantay sa manga magpangyari sa kangku. Sa kang lakawan may suduk ipinauli kang manga kalaban para sa kangku.

⁴ Bantayi lugud sa kang sangput, una si unu unman gid may nangawat sa kangku. Unman yi may mag-alaga ag magpasunaid sa kangku.

⁵ Magtawag aku sa kanmu, Panginuun; kawu kang palalan-iban, kawu lang gid ti kang kailangan sitay sa kalibutan.

⁶ Patingihi kang maghagad awat, dahil balaw yi gid aku may mabuwat. Ribrihan aku sa manga mag-unuunu sa kangku, dahil sida mabisug man sa kangku.

⁷ Palpasi aku sa kang pagkapirisu hampay madayaw niku kawu. Rargu mantipun sa kang sangput ti manga matadlung dahil mayad kawu sa kangku, Panginuun.