Kanta 138 - Hanunuu

Kanta 138 Pagpasalamat sa Diyus

¹ Panginuun, manpasalamat aku sa kanmu sa buu niku tagipusuun. Manganta aku manga pagdayaw sa kanmu sa atubangan manga may kapangyarihan.

² Manluhud aku masranguhan sa kanmu Balay ag mandayaw sa kanmu dahil sa kanmu pagmahal ag katapatan. Ipinakakit nimu sa tanan kanmu ngaran hanggan kanmu bagaw makamaskihan.

³ Pagka magdangup aku sa kanmu, sinagut nimu aku; pinabisug nimu aku.

⁴ Panginuun, dumayaw sa kanmu ti tanan hari sa buu kalibutan dahil masaydan nida kanmu bagaw.

⁵ Manganta sida tungkul sa kanmu manga pagbuwatun; dahil makamaskihan gid kawu.

⁶ Panginuun, una labaw kawu sa tanan, magpasunaid kawu sa manga makuri kay kahamtangan; dapat magpakarayu kawu sa manga tawu marapadayaw-dayaw.

⁷ Una asan aku sa kakurian, pag-alagaan nimu kang buhi sa pangagalit niku manga kalaban. Pag-iribri nimu aku sa panab-anan nimu kapangyarihan.

⁸ Panginuun, pagtupadun nimu kanmu manga turunu sa buhi niku. Kanmu pagmahal unman may katapusan. Tupada kanmu inumpisahan binwat.