Kanta 130 - Hanunuu

Kanta 130 Pagsarig sa Panginuun sa Udas Kakurian

Ti kanta habang magsaka.

¹ Panginuun, sa subra niku pag kakurian magtawag aku sa kanmu.

² Patingihi duy kang magpaawa-awa sa kanmu.

³ Panginuun, nu pag-ilista nimu kanmi manga kasalanan, si unu nguna ti masawad sa kanmu atubangan?

⁴ Dapat pagpatawadun nimu kami, nakan paggalangun kawu nimi.

⁵ Panginuun, mag-alagad gid aku sa kanmu. Ag magsarig aku sa kanmu manga bagaw.

⁶ Panginuun, mag-alagad aku sa kanmu higit waya sa manga guwardiya mag-alagad magkasurip.

⁷ Manga taga Israil, pagsarig kamu sa Panginuun, dahil mapagmahal siya ag pirmi alistu sa pagribri.

⁸ Siya gid ngap ti manribri sa kanyu sa tanan niyu manga kasalanan.