Kanta 129 - Hanunuu

Kanta 129 Darangin Laban sa manga Kalaban Israil

Ti kanta habang magsaka.

¹ Manga taga Israil, sabihun niyu nu kabitay ti pagpakuri sa kanyu niyu manga kalaban ginan sa pag-umpisa niyu nasyun.

² “Masyadu gid kanda magpakuri sa kanmi ginan sa pag-umpisa nimi nasyun. Dapat balaw gid nida kami matalu.

³ Biniyagan nida abasad kanmi manga dayu; bilang ga parihu inda sa inaradu pag daga.

⁴ Dapat matadlung ti Panginuun, dahil irinibri niya kami sa pagkapanawuhun manga daut pag tawu.”

⁵ Mana magpinalagiw sa kay-a ti tanan pag magkagalit sa Siun.

⁶ Mana ngani bumaliw parihu sida sa ilamnun magtubu sa bubungan balay, igu tinmubu rargu nalayung.

⁷ Unman may magtipun sa inda pag ilamnun ngatay magdara inda mabugkusan.

⁸ Mana unman may manlawuy kuntay sumabi sa kanda, “Mana papaladan kamu Panginuun! Pagpapaladan nimi kamu sa ngaran Panginuun.”