Kanta 127 - Hanunuu

Kanta 127 Pagdayaw sa Kaayadan Diyus

Ti kanta habang magsaka, kay isinurat ni Sulumun.

¹ Nu unman ti awat Panginuun, unman may kabuluhan ti pagpatindug balay ngatay ti pagbantay sa daka pag banwa,

² unman diman may kabuluhan ti pag-ipulaw surip waya ag ti magkaturug yabi yi sa magtarabahu hampay may makaun. Dahil ti Panginuun imaw ti magpakaun manga pangailangan niya manga pagmahalun, una waya magkaturug sida.

³ Ti manga anak pakaun ag papalad ginan sa Panginuun.

⁴ Ti manga anak ilinusad katpung kasupangan waya kay ama parihu sa manga pamana sa kamang usa ka sundalu.

⁵ Mapalad ti tawu may mayamu manga anak, dahil maawatan siya nu magkaatubang sida niya manga kalaban sa hurusayan.