Kanta 126 - Hanunuu

Kanta 126 Darangin hampay Iribri

Ti kanta habang magsaka.

¹ Pagka ibinalik Panginuun ti mayad pag kahamtangan Siun, ga tagin-up lang inda.

² Nangarasarin-an kita ag nangarantahan sa kabayaan. Bag-u nagsabi ti iba manga nasyun, “Nagbuwat ti Panginuun makamaskihan pag manga bagay sa kanda.”

³ Ungud nagbuwat ti Panginuun makamaskihan pag manga bagay sa kanta, ag masyadu gid kanta kabayaan.

⁴ Panginuun, balikan maan kanmi mayad pag kahamtangan parihu sa mamara pag manga sapa nadanuman maan.

⁵ Ti magpamgas maglumi umani ngap may kabayaan.

⁶ Ti magginan maglumi may dara binhi pananum, pihu muli may kabayaan dara kay manga inani.