Kanta 125 - Hanunuu

Kanta 125 Ti Karibrihan Nasakupan Diyus

Ti kanta habang magsaka.

¹ Ti manga magsarig sa Panginuun parihu sa bantud Siun balaw magkatandug, bagkus ngap pumirmaminti hanggan aban.

² Kainda ti manga bantud sa sangput Hirusalim mag-alaga sa inda pag banwa, ti Panginuun mag-alaga diman sa kay nasakupan kainda ag hanggan waya aban.

³ Ti daut pag tawu unman gid magparargu sa magpanguna sa daga para sa manga matadlung, dahil barang makabuwat diman daut ti manga matadlung.

⁴ Panginuun, buwata nimu ti mayad sa manga tawu mayad, imaw ti magpangabuhi matadlung.

⁵ Dapat parusahi kaibahan ti manga daut pag tawu kanmu nasakupan, ti magsunud sa balaw mayad pag-ugali. Israil, pagsa kanyu mana ti kahusayan!