Kanta 124 - Hanunuu

Kanta 124 Ti Diyus Manugribri sa Kay Nasakupan

Ti kanta habang magsaka, kay isinurat ni Dabid.

¹ Nu unman pumabliwa ti Panginuun sa kanta, unu nguna ti nangyari? Pagsagut kamu manga taga Israil!

² “Nu unman pumabliwa ti Panginuun sa kanta pagka ginira kita manga kalaban,

³ minatay yi mana nida kita sa kanda masyadu pag pangagalit sa kanta.

^4-5 Bilang ga parihu lang mana inanud kita baha ag tinabunan mabaskug danum.

⁶ Pagdayawun ti Panginuun, dahil unman siya magpahintulut kuntay matyun kita nita manga kalaban parihu sa maraisug pag manga hayup.

⁷ Nakapalagiw kita parihu sa manuk nakalpas sa suduk nadaut.

⁸ Ti kanta awat ginan sa Panginuun imaw ti nagbuwat sa kalangitan ag sa kalibutan.”