Kanta 120 - Hanunuu

Kanta 120 Darangin para sa Awat Diyus

Ti kanta habang magsaka.

¹ Sa kang kakurian, nagdangup aku sa Panginuun ag sinagut niya aku.

² Panginuun, ribrihan aku sa manga pudilun ag manga maradaya.

³ Kamu pag manga pudilun, unu nguna ti iparusa Diyus sa kanyu?

⁴ Parusahan niya kamu sa panab-anan maratarum pag pamana sundalu ag maglabdaban pag uring.

⁵ Kaawaawa aku dahil mag-uli aku kaibahan sa kanyu parihu ka daut sa manga mag-uli sa Misik ag sa Kidar.

⁶ Dugay yi kang mag-uli kaibahan niyu balaw magkaibug sa kahusayan.

⁷ Gustu niku ti kahusayan dapat nu magbagaw aku tungkul tunda ti kanyu gustu girahan.