Kanta 113 - Hanunuu

Kanta 113 Pagdayaw sa Kaayadan Panginuun

¹ Dayawun ti Panginuun! Kamu pag manga nasakupan Panginuun kay manga manugsirbi, dayawun niyu siya!

² Mana dayawun siya kainda ag hanggan waya aban.

³ Ginan sa butlakan tugka sa isalpan ti tanan pag tawu magdayaw sa Panginuun.

⁴ Makamaskihan ti Panginuun sa tanan nasyun, kay kamaskihan balaw matupungan.

⁵ Unman gid may pumarihu sa Panginuun nita Diyus, matukawan sa kay tukawan hari ati sa kaabwat-abwatan.

⁶ Magpayungdu siya sa pagbantay sa kalangitan ag sa kalibutan.

⁷ Pag-awatan niya ti manga makuri ag manga pugri sa kanda kakurian.

⁸ Ag paggalangun niya sida kaibahan ti garalangun pag manga tawu sa kay nasakupan.

⁹ Pagpasulungun niya ti baug pag babayi sa kay ulian sa panab-anan pagpakaun sa kanya manga anak. Dayawa ti Panginuun!