Kanta 11 - Hanunuu

Kanta 11 Pagsarig sa Panginuun

Ti isinurat ni Dabid pag kanta para sa manugpanguna sa magkanta.

¹ Sa Panginuun aku pag magdangup. Nakan hayga magkumun kamu sa kangku, “Palagiw kawu tag sa kabantudan parihu sa manuk,

² dahil paglangiun yi manga daut kanda manga pamana sa madlum pag rugar hampay panaun ti manga magpangabuhi matadlung.

³ Malu, hintay ti mabuwat manga matadlung nu unman yi may kahusayan ti manga banwa?”

⁴ Ti Panginuun ati sa kay banal pag Balay; ati sa langit sa kay tukawan hari. Pagbantayan niya ag pag-usisaun ti tanan tawu.

⁵ Pag-usisaun niya ti manga matadlung hanggan ti manga daut. Pagkadat-an niya ti manga maraisug pag tawu.

⁶ Pauranan niya maglabdaban baga hanggan asupri ti manga daut; bag-u matanggap nida ginan sa kanya ti mainit pag durus pumali sa kanda.

⁷ Matadlung ti Panginuun ag pagkaibgan niya ti manga buwat matadlung. Nakan ti manga magpangabuhi kang-ud makapakarani sa kay atubangan.